Un butul di perlis vistût
In chê sere di primevere
odorose di violis,
di fumate lizere,
sot di un veli tiessût
cui ultins ricams de zulugne.
Un butul sierât
di perlis vistût,
tal gno cûr ai scuindût,
judât di une lune smavide,
Di amôr lu ai colmât,
planc a planc al è sflorît
un biel flôr profumât
cui colôrs sflandorôs
dal amôr.
Poesie premiade << Giulietta e Romeo di Savorgnan>>
Concôrs di poesie de Accademia Città di Udine, anno 2011
Nessun commento:
Posta un commento