Parcè Plume di Ingjustri



O ai sielzût il non di Plume di Ingjustri soredut, par no mostrâ tante vanitât a meti il gno non , jo o pensi che se i miei scrits lis mês poesiis o lis dedichis a vessin di plasê a nol è merit gno, ma di cualchidun là su intal cîl cussì come ca je intune mê poesie:

Adonai
Adonai, Adonai, -- Tu lûs dal mont -- Tu sperance dai vons -- Tu spirt dal gno cûr -- Tu mi âs vierte la ment -- Che a burît fûr -- Peraulis scuindudis -- Intun recès intal scûr.--- Tu âs dât flât ae vôs -- Di chest piçul puar om -- Cence scolte, cence valôr -- Ten  ferme chê man -- Ten salde la fede -- Spiete un moment -- A clamâlu cun Te --- Che al  rivi  a contâ -- A puartâ ae sô int -- La Tô peraule di amôr  -- Dal  To insegnament -- Che al ten dentri intal cûr.

Fintremai al dì 26  di Mai dal 2009 jo no vevi cjapade in man une pene, dal timp che o vevi lassât i studis, val a dîsi cuant che o vevi sedis agns. Une cusine rivade dal Canadà in visite in Friûl  mi a domandât di fâi une dediche in Furlan e cheste je la dediche:

                                                     Gjalarian, ai 26 di mai 2009

L'aiar dal Canadà
                                                                                                                                                             
La  ultime domenie,
dal mês di mai dal 2009
il cîl al jere une vore grîs,
nulât e sglonf di ploie,
viers lis trê dopo misdì,
a è rivade une svintade,
di aiar dal Canadà,
che a  pocât vie,
dut il grîs e a puartât
soreli  serenitât e ligrie,
su la cjase, e su dute la famee,
graciis Signôr di venus mandât
chel vint cussì maraveôs.                

Dopo di cheste o 'nd ai scrit une vore: poesiis, dedichis ai amîs, ai parincj, contis lungjis e curtis, e o soi daûr finî di scrivi un libri, simpri dut e dome par Furlan

2 commenti:

  1. Cjapât! Vemi cà, ancje se la rêt no pò sostituî la relasion dal cjalqsi in muse. A prest, mandi.

    Mauro Della Schiava

    RispondiElimina
  2. Ce che tu âs scrit al è un fat di veretât, ancje jo la pensi come te. Jo dopri chest biel strument moderni dome par lâ incuintri a ducj chei che mi domandin di viodi alc di ce che o stoi scrivint.

    RispondiElimina