Une Lûs plene di Amôr

Une lûs plene di Amôr

Pes tôs stradis

jo ai cjaminât

sot un cîl che si faseve

simpri plui scûr.

O ai viodût la tô int,

no plui soredint.

Il so pas simpri plui pesant,

sot il pês dal doman

cussì inciert e malsigûr.

O ai sintût il tô cûr,

a bati simpri plui svelt,

pai pinsîrs e il dolôr

dai tiei fiis.

Daspò ai viodût une lûs

vignî fûr di une scune,

dentri al jere un Bambin

dut soredint.

Om di chest mont

jemple il to cûr

cun chê lûs plene di Amôr,

che a puarte la pâs ta ogni cjase

e a plache ogni dolôr.

                                    

Una luce piena d’Amore

Per le tue strade / ho camminato / sotto un cielo che si faceva sempre più scuro / Ho visto la tua gente, / non  più sorridente / il suo passo sempre più pesante, sotto il peso del domani / così incerto e insicuro. / Ho sentito il tuo cuore, / battere sempre più svelto / per i pensieri e il dolore / dei tuoi figli./ Poi ho visto una luce / uscire da una culla, / dentro c’era un Bambino / tutto sorridente, / Uomo di questo mondo / riempi il tuo cuore / con quella luce piena d’Amore, / che porta la pace in ogni casa /e placa ogni dolore.

Une rose une spine

Une rose une spine

Mi soven

di une istât,

di un soreli che al svuarbe,

di une ciale che cjante.

La sô cantilene

no à pâs,

jê no tâs.

Intai cerviei ti centene.

Sfresis di lûs

forin lis fueis,

rompin la pâs

di chel troi.

Inte ombrene dai rôi,

une  man si rimpine

a cjoli une rose,

si spine.

Une gote di sanc

 e lasse une olme di amôr

su chê blancje rose,

parsore chel flôr.

Una rosa, una spina

Mi ricordo / di un’estate / di un sole che acceca / di una cicala che canta. / La sua cantilena /

/ non ha pace / non tace / Nel cervello ti frastorna. / Raggi di luce / bucano le foglie /

/ rompono la pace / di quel sentiero / Nell’ombra delle querce / una mano s’arrampica /

/ a cogliere una rosa, / si spina. / Una goccia di sangue / lascia un segno d’amore /

/ su quella bianca rosa / sopra quel fiore.

6 di Mai 1976 "Il taramot in Friûl"

Un brut ricuart

O jeri sentât in cusine,  un pôc par fam,  un pôc par no savê ce fâ mi jeri metût a roseâ une croste di formadi, vecje e induride come il corean.

Mê mari jere cjapade a preparâ la cene, e jere tant impegnade, che no mi steve in scolte.

La pignate sul fûc cul  calôr e alçave il tapon ,e sborfant come un treno ,e  burive fûr tufs di vapôr, e dulintor si nulive, un bonodôr di mignestron.

Jenfri  chel bruntulâ de pignate, e il sclopetà des  faliscjis tal fûc o ai sintût un sunsûr, de bande dal barcon che al dave su le androne.  Tal imprin lizêr e lontan,

daspò, i claps dal mûr a an tacât a ticâsi, e ducj insieme, simpri plui fuart a bati. 

Mi pareve di sinti une vôs che diseve: << va fûr >> jerial il me sintiment, o jerial propit une vôs. No 'nd ai vût timp di pensâ, parsot le androne, simpri di chê bande, al jere rivât un rumôr, che intun moment,  al jere cressût cussì tant, che al centenave tal sintiment, e al spaurive il cûr.

Dûr e imbramît o stevi fer, fintremai che o 'nd ai capît:<< mame ! >> I ai  vosât,

 << lin fûr al è il taramot. >>

Lis gjambis spauridis, no volevin savê di cori, e  pareve che fossin incoladis tal pedrât.

Il madracat, che al remenave sot tiere, al moveve il curtîl, come lis ondis tal mâr.

Al pareve che sot de tiere e fos une bestie feroce, rabiose, e sameave che no volès cuietâsi, fintremai che dut nol fos sdrumât.

Ae fin si è fermât.

La int su la strade, cu la tremarele tes gjambis, e un grant pês intal cûr.

Ducj che si domandavin << Cui sa  dulà che al è stât ? Cui sa ce che al è sucedût ? >>

Plume di Ingjustri

Une gare di pescje

Une gare di pescje

Un pari cul frut

al prepare, la sere,

la cjane plui lungje,

chê plui lizere.

“Doman je la gare,

viôt te cassele,

controle,

sono ducj i ordegns?”

Aromai dut al è pront,

i ams, i viers

e ancje i plomps.

Intal doman di buinore,

a son li, dongje de aghe,

a son ducj in rie.

E scomence la gare.

Un al bute l’am dongje la rive.

Un altri al lance dulà

che la aghe si môf.

Un am  si imberdee

intor di chel di un compagn.

Un, rabiôs, al tontone

“culì, pes no 'nd è.”

Tun trat, un frut

si lu sint  a  vosâ.

“Cjapade! Cjapade!”

So pari lu clame.

“Spessee, spessee,

tirile sù,

ten ferme la cjane,

cjape la rêt,

sta  atent

che no scjampi.”

Di ogni bande

si sint svuatarâ

la trote che  sgurle

inte aghe,

ingrimpade intal am.

Chê biele gare,

chê biele pescjade,

no podarai smenteâ.

Inta la ment

par simpri mi restarà.

L’Emigrant

Cuant

che a mont

al va il soreli.

La jù in fonts

di Sant Zuan,

daûr chê gleseute.

Pari !

Di te mi impensi,

lât pal mont

emigrant.

Lontan

dal to paîs,

de tô cjase,

dai tiei fîs.

Cun in man

une valîs,

colme

plui di ricuarts

che di vistîts.

    Concorso nazionale di poesia in lingua italiana e friulana

                        <<  Le voci dell’anima >>

Poesia in lingua friulana---- I^classificata

 

Un tocut di paradîs             

Sot sere,                                                    

cuant che ancje le ultime spere di lûs,          

si sfante pierdude                                       

intun bati di alis di un gnotul,             

o rivi a cjalâmi tal spieli dal timp,       

cui voi di un frutin,                                              

che la maluserie de int                                

ancjemò nol veve fuscâts.                          

Mi viôt,                                            

intun tocut di paradîs,                                

ta chê cjase che e je tal mio cûr.                           

Un piçul cjanton di chest mont,                  

inte plane dal nestri Friûl.                                              

Mi viôt,                                                                                       

sul pedrât di une androne,                                    

che tantis voltis inte foghe dal zûc,   

tor di un clap mi soi çopedât.                     

O poiât,

sul grim de mame,                                      

tes lungjis gnots dal istât,                            

in scolte des flabis de none,                                 

strussiânt i voi, bramôs di sierâsi.      

E daspò,                                                   

sot de plete, insumiâmi di orcui e aganis,     

e cui pîts sgarfâ intai scus dal paion

a cirî un ripâr, une tane,                              

e fâmi plui piçul                                         

               par rivâ a platâmi. 

         

Un pezzetto di paradiso

Verso sera, / quando anche l’ultimo raggio di luce, / si dissolve perduto  /

in un battito d’ali di un pipistrello, /  riesco a guardarmi nello specchio del tempo, /

con gli occhi di un bambino, / che la malvagità della gente /ancora non aveva offuscati. / Mi

vedo, / in un pezzetto di paradiso, / in quella casa che è nel mio cuore /

Un piccolo angolo di questo mondo, / nella pianura del nostro Friuli. /

Mi vedo, / sul acciottolato di una androna, / che tante volte nella foga del gioco, /

addosso ad un sasso mi sono inciampato. / O appoggiato, / sul grembo della mamma,/

nelle lunghe notti dell’estate, / ad ascoltare le fiabe della nonna  / strofinando gli occhi  desiderosi di chiudersi. / E dopo / sotto le lenzuola, sognare orchi e agane, /

e coi piedi scavare tra le foglie del materasso / a cercare un riparo, una tana, /

e farmi più piccolo / per riuscire a nascondermi.